شرح عمل اعدادات السيرفر من خلال الشيل Basic cPanel/WHM Setup , Hostname , NameserverIPs - الخليج هوست لخدمات الويب المتطورة

server

السلام عليكم

طبعا الموضوع واضح : وهو عمل اعدادات السيرفر من خلال الشيل وليس من لوحة التحكم WHM ..

نتوكل على الله و نبدأ ،،،

- الشرح دا للسيرفرات اللى بتستخدم نظام التشغيل Linux .. وهنوضح بالصور عشان الفكره توصل اكتر

اولا اعدادات Basic cPanel/WHM Setup واللى هنبدأ بيها وازاي نعملها من الشيل

- ادخل سيرفرك عن طريق الشيل من خلال برنامج Putty او اي برنامج من برامج الشيل .

نفذ الامر التالي عشان تفتح ملف wwwacct.conf واللى هنعمل الاعدادات بتاعتنا عليه

كود:

pico /etc/wwwacct.conf

هنغير الاعدادات اللى جواه للاعدادات الخاصة بالسيرفر بتاعك .. ازاي .. هقولك .. هتقوم بوضع اللى جاي دا داخل الملف بس طبعا مع تغيير بعض الحاجات الخاصة بسيرفرك انت .. والحاجات دي انا هكتبها باللون الاحمر عشان تكون واخد بالك ان هي دي اللى هتتغير

كود:

ADDR 11.22.33.44
CONTACTEMAIL server@gulfhosted.com
CONTACTPAGER
DEFMOD x3
ETHDEV venet0:0
HOMEDIR /home
HOMEMATCH home
HOST server.gulfhosted.com
LOGSTYLE combined
MINUID
NS ns1.gulfhosted.com
NS2 ns2.gulfhosted.com
NS3
NS4
NSTTL 86400
SCRIPTALIAS n
TTL 14400

- طبعا زي ما قلت اللى باللون الاحمر هتغيره للخاص بسيرفرك انت ..
يعني مثلا الاي بي : اكتب بداله اي بي سيرفرك
الاميل اللى هتوصلك عليه الرسايل : هتكتب اميلك انت
الهوست نيم : هتكتب الهوست نيم الخاص بسيرفرك
الدي ان اس : هتكتب الـ ان اس الخاص بيك

والصورة اللى جايه دي توضح كلامي دا اكتر

تمام كدا .. نيجي للى بعده

server

هنعمل بقى دلوقتي اعدادت ملف resolv.conf واللى يجب انه يحتوي على النيم سيرفر الخاص بسيرفرك nameserver وبجانبه الجيت واي Gateway اللى هي ايبيهات سيرفرك

المهم ندخل فى الموضوع

..

- نفذ الامر الجاي فى الشيل

كود:

pico /etc/resolv.conf

طبعا الملف فتح معانا وعايزين نغير الاعدادات اللى فيه لاعدادات سيرفرنا احنا مش سيرفر حد تاني ... هتغير الحاجات اللى جايه دي للخاص بسيرفرك انت وبرده اللى هيتغير هيكون مكتوب بالاحمر

كود:

domain gulfhosted.com
search gulfhosted.com
server.gulfhosted.com 127.0.0.1
ns1.gulfhosted.com 11.22.33.44
ns2.gulfhosted.com 11.22.33.45

- هتغير الدومين لدومين سيرفرك .. والايبيهات لـ ايبيهات سيرفرك .. والهوست نيم كمان .. والـ ان اس الخاص بسيرفرك .. ويبقى كدا خلصنا الملف دا

والصورة دي توضح اكتر

نحفظ الاعدادات اللى عملناها فيه زي ما قولنا Ctrl+X وبعدين y وبعدين انتر Enter .

نروح للى بعده

هانت كلها ملف واحد ونكون خلصنا

server

والحين حبايبي .. نروح على طول عشان نعمل اعدادات ملف nameserverips

.. واللى هنعمل فيه النيم سيرفر بتاع السيرفر الخاص بيك والايبيهات لكل نيم سيرفر ..

طيب ازاي الكلام دا ..

- نفذ الامر دا فى الشيل

كود:

pico /etc/nameserverips

فتحنا كدا ملف nameserverips .. تمام .. نقفله تاني بقى

.. لا استنى لسه معملناش الاعدادات

..

- هنغير الايبيهات والنيم سيرفر الموجودين فى الملف .. للنيم سيرفر والايبيهات الخاصة بسيرفرك .. نوضح اكتر غير اللى بالاحمر

كود:

11.22.33.44=ns1.gulfhosted.com
11.22.33.45=ns2.gulfhosted.com

والصورة دي كمان توضح اكتر واكتر

خلاص تمام .. غيرتهم .. احفظ بقى الاعدادات دي واقفل الملف دا .. Ctrl+X وبعدين y وبعدين Enter

حلو اوي اوي ياعم الحاج الكلام دا .. كدا خلاص عملنا الاعدادات وتمام .. نغير بقى الهوست نيم من الشيل واحنا فيه بالمره

.. نفذ الامر الجاي مع تغيير اللى بالاحمر للهوست نيم الخاص بسيرفرك

كود:

hostname server.gulfhosted.com

- كدا بقى مش حلو خالص ياعم الحاج .. بعد ما عملت الامر اللى فات دا جيت عشان افتح لوحة تحكم السيرفر WHM جابتلى ان مفيش ترخيص سي بانل وانا معايا ترخيص وكانت شغاله تمام ومش راضيه تفتح WHM

-

ماهو بعد ما تنفذ الامر اللى فات دا .. نسيت اقولك نفذ بعده الامر دا عشان تعمل اعادة ضبظ ترخيص السي بانل على السيرفر

.. حصل خير .. الامر اهو نفذه

كود:

/usr/local/cpanel/cpkeyclt

- ايوا كدا تمام .. اشتغلت اهي ..

.. متشكرين ياعم الحاج ..

لا شكر على واجب يا حبيبي .. خد بقى الباب وراك .. واقفل الباب بالراحة

.